قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №9-3/278

2015 جىلعى 30 ناۋرىز, استانا قالاسى اگروونەركاسىپتىك كەشەن سالاسىنداعى دايىنداۋشى ۇيىمداردى اككرەديتتەۋ قاعيدالارىن بەكىتۋ تۋرالى «اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى» 2005 جىلعى 8 شىلدەدەگى قازاقستان رەسپۋبليكاسى زاڭىنىڭ 6-بابى 1 تارماعىنىڭ 41-1) تارماقشاسىنا سايكەس بۇيىرامىن: 1. قوسا بەرىلىپ وتىرعان اگروونەركاسىپتىك كەشەن سالاسىنداعى دايىنداۋشى ۇيىمداردى اككرەديتتەۋ قاعيدالارى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينۆەستيتسيالىق ساياسات جانە قارجى قۇرالدارى دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ «كەلىسىلگەن» قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ مىندەتىن اتقارۋشى ______________ م.قۇسايىنوۆ 2015 جىلعى 16 ءساۋىر قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 30 ناۋرىزداعى №9-3/278 بۇيرىعىمەن بەكىتىلگەن اگروونەركاسىپتىك كەشەن سالاسىنداعى دايىنداۋشى ۇيىمداردى اككرەديتتەۋ قاعيدالارى 1. جالپى ەرەجەلەر 1. وسى اگروونەركاسىپتىك كەشەن سالاسىنداعى دايىنداۋشى ۇيىمداردى اككرەديتتەۋ قاعيدالارى (بۇدان ءارى – قاعيدالار) «اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى» 2005 جىلعى 8 شىلدەدەگى قازاقستان رەسپۋبليكاسى زاڭىنىڭ (بۇدان ءارى – زاڭ) 6-بابى 1-تارماعىنىڭ 41-1) تارماقشاسىنا سايكەس ازىرلەندى جانە اگروونەركاسىپتىك كەشەن سالاسىنداعى دايىنداۋشى ۇيىمداردى (بۇدان ءارى – دايىنداۋشى ۇيىمدار) اككرەديتتەۋ ءتارتىبىن ايقىندايدى. 2. دايىنداۋشى ۇيىمداردى اككرەديتتەۋ ولاردى كەيىننەن شەكتى ەسەپتەلگەن بيۋدجەتكە تولەنگەن قوسىلعان قۇن سالىعى بويىنشا سۋبسيديالاۋ ماقساتىندا جەرگىلىكتى اتقارۋشى ورگاندار قۇزىرەتىنىڭ شەڭبەرىندە وبلىستار, رەسپۋبليكالىق ماڭىزى بار قالالار, استانا اكىمدىكتەرىنىڭ اۋىل شارۋاشىلىعى باسقارماسىنىڭ (بۇدان ءارى – باسقارما) دايىنداۋشى ۇيىمداردى ەسەپكە قويۋى ارقىلى جۇزەگە اسىرىلادى. 3. دايىنداۋشى ۇيىمدار اككرەديتتەۋدەن ءوتۋ ءۇشىن باسقارماعا وسى قاعيدالارعا قوسىمشاعا سايكەس نىسان بويىنشا اگروونەركاسىپتىك كەشەن سالاسىنداعى دايىنداۋشى ۇيىمداردى اككرەديتتەۋگە ءوتىنىش (بۇدان ءارى - ءوتىنىش) بەرەدى. 4. باسقارما وتىنىشتە قامتىلعان مالىمەتتەردىڭ تولىقتىعىن قاراستىرعاننان كەيىن, ءۇش جۇمىس كۇنى ىشىندە دايىنداۋشى ۇيىمداردى اگروونەركاسىپتىك كەشەن سالاسىنداعى دايىنداۋشى ۇيىمداردىڭ تىزبەسىنە (بۇدان ءارى – تىزبە) قوسۋ جولىمەن ەسەپكە قويۋدى جۇزەگە اسىرادى. ءوتىنىشتى بەلگىلەنگەن نىساندا بەرگەن جاعدايدا اككرەديتتەۋدەن باس تارتۋعا جول بەرىلمەيدى. 5. باسقارما «اگروونەركاسىپتىك كەشەن سالاسىنداعى دايىنداۋشى ۇيىمدار تىزبەسىن وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارىنىڭ (اكىمدىكتەردىڭ) ينتەرنەت-رەسۋرسىنا ورنالاستىرۋدىڭ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 12 ناۋرىزداعى № 17-1/207 (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 10924 بولىپ تىركەلدى) بۇيرىعىنا سايكەس تىزبەنى وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگاندارىنىڭ (اكىمدىكتەردىڭ) ينتەرنەت-رەسۋرسىنا ورنالاستىرادى. 6. دايىنداۋشى ۇيىم زاڭنىڭ 16-1-بابى 5-تارماعىندا بەلگىلەنگەن تالاپتاردى بۇزعان جاعدايدا, باسقارما دايىنداۋشى ۇيىمدى تىزبەدەن الىپ تاستايدى. 7. باسقارما ءۇش جۇمىس كۇنى ىشىندە دايىنداۋشى ۇيىمدى تىزبەدەن الىپ تاستالعانى تۋرالى جازباشا تۇردە حابارلايدى. اگروونەركاسىپتىك كەشەن سالاسىنداعى دايىنداۋشى ۇيىمداردى اككرەديتتەۋ قاعيدالارىنا قوسىمشا نىسان اگروونەركاسىپتىك كەشەن سالاسىنداعى دايىنداۋشى ۇيىمداردى اككرەديتتەۋگە ءوتىنىش كىمگە:______________________________________________________________ (وبلىستار, رەسپۋبليكالىق ماڭىزى بار قالالار, استانا اكىمدىكتەرىنىڭ اۋىل شارۋاشىلىعى باسقارماسىنىڭ اتاۋى) ___________________________________________________________________ ( زاڭدى تۇلعانىڭ اتاۋى) اككرەديتتەۋ جۇرگىزۋدى سۇرايدى ____________________________________ ____________________________________________________________________ (بسن, زاڭدى تۇلعانى مەملەكەتتىك تىركەۋ/قايتا تىركەۋ ءنومىرى جانە كۇنى) ____________________________________________________________________ (ورنالاسقان مەكەنجايى) ۇيىم باسشىسى _______________ ___________________________ (قولى) (تەگى, اتى جانە اكەسىنىڭ اتى) ءموردىڭ ورىنى 20 __ جىلعى « __ » __________ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 15 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11065 بولىپ ەنگىزىلدى.